« І Республикалық интеллектуалдық дамыту ойындарының» олимпиадасы

«Инттеллектум» қосымша білім беру орталығының ұйымдастыруымен ағымдағы оқу жылының 20 мамырында Нұр-Сұлтан қаласы Республикалық оқушылар сарайында алғашқы рет бастауыш сынып оқушылары арасында « І Республикалық интеллектуалдық дамыту ойындарының» олимпиадасы өтті. Бастауыш сынып оқушылары үшін интеллектуалдық дамыту ойындары маңызды . Танымдық іс-әрекетін, ойлау қабілетін, ой белсенділігін, көру-есту арқылы қабылдау қабілетін дамытады. «І Республикалық интеллектуалдық дамыту ойындарының» олимпиадасына Маңғыстау, Көкшетау, Қарағанды, Ақтөбе, Нұр-Сұлтан қалаларынан 100-ге жуық бастауыш сынып оқушылары қатысты. Ақмола облысы Көкшетау қаласы Білім бөлімінің «ІТ мектеп-лицейі» КММ-нен жас дарынды бастауыш сынып оқушылары аса белсенділікпен қатысты. «Skippity» ойынына 1 «А» сынып оқушысы Жанат Султан, «Q-bitz» ойынына 2 «А» сынып оқушысы Қайырбек Бақытжан , «Manqala» ойынына 3 «А» сынып оқушысы Аманжолов Адильжан, «Reversi» ойынына 4 «Ә» сынып оқушысы Сабдин Нуржан қатысты. "І Республикалық интеллектуалдық дамыту ойындарының" Олимпиадасы нәтижесінде мектеп – лицейіміздің «Manqala» интеллектуалдық дамыту ойынынан 3 «А» сынып оқушысы Аманжолов Адильжан І орын және топтық ойыннан ІІІ орын, «Q-bitz» ойынынан 2 «А» сынып оқушысы Қайырбек Бақытжан ІІІ орын және топтық ойыннан жеңімпаз кубыгын ұтып алды. Интеллектум жетекшісі Токбулатов Данияр Сейтказиевич «Алғыс хатпен» марапатталды. Барлық белсенді интеллектум ойыншыларын жеңістерімен ҚҰТТЫҚТАЙМЫЗ!!!