«Ұлы Өнертабысқа алғашқы қадам» робототехника бойынша облыстық конкурс туралы ақпарат

«Рухани Жаңғыру» бағдарламасы аясында оқушылардың шығармашылық белсенділігін дамыту, олардың инженерлік дағдыларын қалыптастыру, білім беру робототехника мен бағдарламалауды танымал ету, озық тәжірибе алмасу, мықты командаларды анықтау мақсатында 2019 жылдың 15-16 наурыз күндері ІТ мектеп-лицей базасында «Ұлы өнертабысқа алғашқы қадам» атты робототехника және инновациялық идеялар облыстық байқауы өтті.

Конкурс келесі санаттар бойынша өткізілді:

-«Интеллектуалды сумо «А»;

-«Интеллектуалды сумо «В»;

-Кедергілер арқылы жолақпен жүру «А»;

-Кедергілер арқылы жолақпен жүру «В»;

-Кегельринг;

-Кегельринг – КВАДРО;

- Лабиринт;

-STEM ROBOT MOUSE;

- «SMART CITY» шығармашылық санаты.

         Байқауға 18 аудан, Көкшетау қаласы мен Степногорск қаласынан 250 оқушы қатысты.

         Мектеп бойынша 4 команда сайысқа түсті олар:

         «Кедергілер арқылы жолақпен жүру» санаты бойынша 8 сынып оқушылары Дауренбек Сакен мен Болат Айдамир, команда жетекшісі Кульбаев Марат Жусупович, «Кегельринг-квадро» санаты бойынша 10 сынып оқушысы Сайранбеков Жанарыс және 8 сынып оқушысы Хамит Ерасыл, команда жетекшісі Кульбаев Марат Жусупович, «Лабиринт» санаты бойынша 8 сынып оқушылары Толеутаев Ануар және Өсербай Арлан, команда жетекшісі Қаби Мәди Еркінұлы, «SMART CITY» шығармашылық санаты бойынша 10 сынып оқушылары Таласбек Әділ және Қосман Адиль, команда жетекшісі Савельев Руслан Александрович.

         Конкурс қорытындысы бойынша біздің ІТ мектеп-лицейіміздің қоржынында екі командалық алтын медальмен:

«Smaq»  командасы «Кегельринг-квадро» санаты бойынша - Сайранбеков Жанарыс және Хамит Ерасыл және «Red Stars» командасы «SMART CITY» шығармашылық санаты бойынша Таласбек Әділ және Қосман Адиль бірінші орынға ие болды.